Cart 0

Idrak Zawale Ummat vol.II

اس کتاب کی حیثیت کسی علمی کاوش یا تحقیقی مطالعہ کی ہرگز نہیں ہے اورنہ ہی اسے اس حیثیت سے پڑھا جانا چاہیے۔ ہمارا مقصد ایک درون خانہ مکالمہ کا آغاز ہے۔ ہم یہ سمجھتے ہیں کہ ہمارے ہزار سالہ انحرافات کی درستگی کے لیے لازم ہے کہ ہم ان ہمالیائی غلطیوں کا کسی قدر ادراک، اور اس سے بھی کہیں بڑھ کر، اعتراف کر سکیں جو تاریخ کے مختلف ادوار میں ہم سے سر زد ہوئیں ہیں اور جن پر گزرتے وقتوں کے ساتھ تقدیس و استناد کا گمان ہونے لگاہے۔

Click Here to download Ebook

350.00

Clear
Product ID: 19051 SKU: 978-81-87856-21-1 Category:

نفسِ مسٔلہ کی تفہیم کے لیے ہمیں غیر معمولی طور پر ایک بڑا کینوس تشکیل دینا پڑا ہے تاکہ ہزار سالہ التباسات کی ایک جھلک بیک نظر دکھائی دے سکے۔ ایک ایسے عہد میں جہاں تخصیصِ فن کو علمی زندگی کی معراج سمجھا جاتا ہو، مختلف علوم کی مدد سے ایک بڑے کینوس کی تشکیل ہو سکتا ہے بعض علمی طبائع پر گراں گزرے۔ لیکن ہماری مشکل یہ تھی کہ اتنے بڑے مألہ کا جب تک ایک جامع تحلیل و تجزیہ نہ ہو صورتِ حال کی واقعی تصویر کشی ممکن نہ تھی۔ یہ میری کم مائیگی تھی جو مجھے جدیدسائنس سے لے کر فقہ و آثار، تاریخ و تفسیر، فلسفہ و الٰہیات، کلام و منطق، عروض و آہنگ، طب وتصوف، رمل و نجم شناسی اور نہ جانے کن کن وادیوں میں لے گئی تب کہیں جاکر یہ ممکن ہو سکا کہ میں زوالِ فکرو نظر کی دلخراش داستان کو کسی قدر شرح و بسیط کے ساتھ آپ کے سامنے پیش کر سکوں۔ ایک بڑا کینوس اختیار کرنے کے سبب یہ تو ضرور ہوا ہے گویا ہاتھی پورے کا پورا بیک نگاہ ہمارے تحلیل و تجزیہ کا موضوع ہو اور جہاں اس بات کا کوئی امکان نہ ہو کہ کہانی کے اندھوں کی طرح جس کے ہاتھ جو حصّہ لگے اسے ہی وہ حقیقت قرار دے ڈالے۔
یہ کتاب جتنے جواب فراہم کرتی ہے اس سے کہیں زیادہ سوال قائم کرنے کی موجب ہے۔ ایسا اس لیے کہ صحیح سوال قائم کرنا از خود صحیح اور صائب جواب کی طرف رہنمائی سے عبارت ہے اور اس لیے بھی کہ یہ منزل من اللہ کتاب نہیں جس پر حرفِ آخر کا گمان ہو۔

Available Format

Paperback, PDF

Name of Author

Rashid Shaz

Language

Urdu

ISBN code

978-81-87856-23-8

Reviews

Be the first to review “Idrak Zawale Ummat vol.II”