Cart 0

Jagte Rahoo

جاگتے رہو کوئی معمول کی تصنیف نہیں اور اسے اسی حیثیت سے پڑھا جانا چاہیے ۔

ایک ایسی محبوس فضا میں جہاں فرد سرمایہ داری کے آہنی شکنجہ میں بری طرح جکڑدیا گیا ہو، سورتی صاحب کی یہ صدائے احتجاج کہ’’ مجھے اپنا خواب دیکھنے دو ‘‘ بہتوں کو ایک طفلانہ خواہش معلوم ہوگی ۔لیکن جو لوگ کسی حد تک اس حقیقت سے آگاہ ہیں کہ فرد کو نظام جبر کی غلامی سے نکالنا اور رسومِ دینداری کی بند شوں سے آزاد کرنا در اصل کارِ انبیائی سے عبارت ہے،ا ن کے لیے’’ جاگتے رہو‘‘ کے صفحات صور اسرافیل نہ سہی ایک مژدۂ جانفزا ضرور ثابت ہوں گے۔انہیں محسوس ہو گاکہ بائبل میں سیدنا مسیح کی فریسیوں پر تنقیدجسے وہ مچھر چھاننے اور اونٹ نگلنے سے تعبیر کرتے ہیں اور قرآن مجیدمیں محمد رسول اللہ کے سلسلے میں یہ بیان ویضع عنھم اصرھم والاغلال التی کانت علیھم کہ وہ انسانوں کی گردنوں کو ان علائق سے آزاد کرتے ہیں جس میں جامد رسوم دینداری نے انہیں جکڑرکھا ہے— حریت فکر وعمل کی یہی صدا ان صفحات میں کسی نبی نے نہیں بلکہ ایک قلندر نے لگائی ہے۔

250.00

Clear
Product ID: 19098 SKU: 978-81-87856-26-9 Category:

احمد سورتی۱۹۲۲ء ؁ میں علی گڑھ میں پیدا ہوئے جہاں ان کے والدمولانا محمد سورتی نو تشکیل شدہ جامعہ مِلّیہ اسلامیہ میں عربی زبان و ادب کے موقر استاد تھے۔۱۹۴۸ء ؁ میں آپ کا تقررعلی گڑھ میں کیمسٹری کے استاد کی حیثیت سے ہوا۔ ۱۹۵۱ء ؁ میں یو نیورسٹی میں جنرل ایجوکیشن کے نام سے ایک ایسے شعبے کاقیام عمل میں آیاجسے مخزن العلوم کی حیثیت حاصل ہو اور جسے سائنس ، ادب ، فلسفہ اور عمرانیات کے ارتکاز کے طور پر دیکھا جائے۔ سورتی صاحب نہ صرف یہ کہ ابتدأ سے ہی اس شعبہ سے وابستہ رہے بلکہ ۱۹۸۲ء ؁ میں اپنی سبکدوشی تک پوری جانفشانی کے ساتھ مخزن العلوم کے اس انقلابی تصور کو فروغ دیتے رہے۔ اس میں شبہ نہیں کہ تخصیص کے اس عہدِنا آگاہ میں جملہ علوم سے آگہی کے اس نسخے نے باشعور طلبأ اور اساتذہ کی ایک کہکشاں تشکیل دینے میں ایک اہم رول ادا کیا۔گذشتہ نصف صدی کے فارغینِ علی گڑھ کے لئے یونیورسٹی کے ساتھ ساتھ بزمِ یونیورسٹی کے میر اورشیخ الکل کی صحبتوں کو بھلانا بھی ممکن نہ ہوگا۔ ان کے عہد میں جنرل ایجوکیشن سنٹر یونیورسٹی کے اندر ایک یونیورسٹی کا سماں پیش کرتاتھا۔
آج بھی اصحابِ علم و فن ان سے اکتسابِ فیض کو اپنے علم کی سند جانتے ہیں۔

Available Format

Paperback

Name of Author

Ahmed Surti

Language

Urdu

ISBN code

978-81-87856-26-9

Reviews

Be the first to review “Jagte Rahoo”